Higit P7m droga nakumpiska sa Calapan City

AABOT sa higit P7 milyong halaga ng shabu ang nasamsam sa “high-value individual” sa buy-bust operation sa Calapan City, Oriental Mindoro nitong Linggo.

Kinilala ang nadakip na si alyas “Larry,” 46 anyos, residente ng Malabon City.

Ayon sa report, nahuli si Larry sa may Barangay Suqui nang bentahan ang isang operatiba ng 1 sachet ng shabu kapalit ang P15,000.

Nakuha kay “Larry” ang 53 sachets ng shabu na nagkakahalaga ng P7.1 milyon.