Titser patay sa bangga ng aso at kotse

NAGA CITY – Nasawi ang isang guro nang sumalpok sa kotse matapos bumangga sa isang aso sa Libmanan, Camarines Sur.

Kinilala ang biktima na si Gerald Guaves, 24 anyos, ng Barangay Mataoroc, Minalabac, sa nasabing bayan.

Sa report ng Camarines Sur Police Provincial Office, tinatahak ng biktima ang kalsada papunta sa bayan ng Sipocot lulan ng kaniyang motorsiklo angkas si John Michael Lasala, 22, nang aksidente nitong mabunggo ang galang aso. Dahil dito, nawalan ng kontrol sa kaniyang minamanehong motorsiklo si Guaves dahilan para sumalpok sa kasalubong na kotse na minamaneho ng isang Jimmy Naisod, 41.

Nagtamo ng sugat sa iba’t ibang bahagi ng kaniyang katawan ang biktima na dead on arrival sa pagamutan.