Konsultasyon sa PSC stakeholder sisimulan na sa Lunes

SISIMULAN na ng Philippine Sports Commission (PSC) mga serye ng consultation sessions sa grupo ng stakeholders sa Lunes, November 22 para sa huling bahagi ng National Sports Summit (NSS) 2021.

Inaasahan ni PSC Chairman William “Butch” Ramirez kasama ang agency Commissioners at officers na makabubuo sila ng resolusyon matapos ang mga pagtalakay at napagkasunduan sa NSS’ phase 1.

Kinumpirma na rin ng mga kinatawan ng iba’t ibang government agencies at private sectors ang kanilang partisipasyon sa consultation sessions.

”We are now on the final lap of our NSS, it is our duty to ensure that the future of Philippine Sports continues to be successful so the next generation may inherit the victories and lessons we had. The take-aways we have from the NSS may serve as guiding light for the future,” Wika ni Ramirez.

Matapos ang tagumpay ng NSS phase 1 Sports Conversations ngayong taon, pagtutuunan ng PSC na maplantsa ang resolusyon at maisapinalisa na ang implementasyon nito sa sports leaders, lawmakers, at stakeholders para sa ikauunlad at patuloy na tagumpay ng Philippine Sports. “What we will be passing on are not mere words but torches to light the way and ensure the continued success of sports and the different sports stakeholders,” dagdag pa ni Ramirez.

Kabilang sa resolusyon na tatalakayin ay ang frameworks at guidelines ng iba’t ibang sektor sa sports ng kababaihan, indigenous games at parasports.

Kakatawanin ni PSC Chief of Staff at Philippine Sports Institute (PSI) National Training Director Marc Edward Velasco bilang Project Head ng NSS ang PSC kasama si PSC Planning and Research Division Dr. Lauro Domingo.