Bangkay ng Pinay isinilid sa maleta sa Dubai

Bumulaga ang bangkay ng isang Pinay na nakasilid sa maleta na iniwan pa sa ilalim ng tulay sa Dubai.

Ayon sa ulat, nakilala na ang Pinay ngunit humiling ng privacy ang pamilya nito.

Sinabi ni Consul General to Dubai Renato Duenas Jr., na namatay umano ito nang sakalin.

Samantala, naaresto naman ang salarin. Ang detalye sa krimen, hindi pa rin isinapubliko habang umaandar ang imbestigasyon.

“The Philippines Embassy in Abu Dhabi are in touch with the family of the victim and we’re following closely the progress of the investigation,” wika pa ni Duenas.

“We have already the lawyer looking after the interest of the family of the victim,” dagdag pa niya.