Bigtime tulak, 2 pa arestado sa Valenzuela

Arestado ang tatlong tulak ng illegal na droga, kabilang ang isang high value individual (HVI) sa isinagawang buy-bust operation sa Valenzuela City.

Kinilala ni PMAJ Dennis Odtuhan, hepe ng District Drug Enforcement Unit (DDEU) ng Northern Police District (DDEU) ang mga naaresto na sina Edward Navarro alyas “Eway”, 42, (HVI); Edsel Franco, 37; at Rolando Peralta, 45, pawang residente ng Brgy. Bignay.

Sa report kay NPD Director PBGen Ponce Rogelio Peñones Jr., sinabi ni Major Odtuhan na 3:30 ng madaling araw nang magsagawa ang mga operatiba ng DDEU ng buy bust operation sa Galas St., Brgy. Bignay.

Nakumpiska sa mga suspek ang tatlong medium size heat sealed transparent plastic sachets na naglalaman ng aabot 18 grams ng shabu na may standard drug price value P122, 400, buy bust money na isang P500 bill at 3-pirasong P1,000 boodle money at envelope

Mahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002.