Jeepney nahulog sa bangin sa Quezon: 1 nasawi, 26 sugatan

NASAWI ang isang pasahero at sugatan ang 26 iba pa kasama ang driver nang mahulog ang pampasaherong jeepney sa bangin sa bahagi ng Barangay Butanguiad, San Francisco, Quezon, bandang 3:00 ng hapon ng Martes, January 2, 2024.

Sa ulat ng mga imbestigador ng San Francisco Municipal Police Station, binabagtas ng jeepney na minamaneho ni Brian Catapang, 35 anyos, ang kahabaan ng national highway ng San Andres-San Francico Road. Pagsapit sa matarik na bahagi ng Sitio Centro ng nasabing barangay ay nawalan ng kontrol sa manibela ang driver kaya’t nahulog sa mabanging lugar ang sasakyan, na agad ikinasawi ni Juanita Sarmiento, 81; habang nasugatan sina Trexia Joy Sarmiento, minor; Bernadeth Sarmiento, 20; Ronald Jun Abelong, 23; Melchor Sarmiento, 34; Arjay Sarmiento, minor; Allan Pauli, 29; Arnulfo Pacatan,45; Salvador Purton ,22; Jomar Purton, 26; Jeffrey Rosatase, 31; Jose Jeory Puron, 52; June Mark Apeta, 29; Isaias Garbo Jr., 52; Irish Sarmiento, minor; Jeremy Purton, 19; Marian Sarmiento,18; Michelle Gonzales, 22; Mark Leo Sarmiento, minor 21; Rommel Montejo, 26; Charles Llagas, 38; Evenson Sarmiento,31; at Triexie Jane Sarmiento, minor; pawang residente ng Barangay Butanguiad.

Mabilis namang nakapagresponde ang mga kagawad ng Municipala Disaster and Risk Ruduction and Management Office (MDRRMO) ng San Francico at dinala sa pagamutan ang mga biktima.

Nahaharap sa kasong ‘Reckless Imprudence in Resulting to Homicide and Multiple Physical Injuries’ ang driver ng jeepney.(KOI LAURA)