2 katao nalitson ng buhay sa sunog sa Caloocan

Nasawi ang dalawang katao sa sunog na nangyari sa Natividad St., Brgy. 81, Caloocan City.

Kinilala ang mga biktima na sina Roberto Guerrero, 52 taong gulang; at Liane Dacaymat, 16 taong gulang.

Sumiklab ang sunog sa residential area ng nasabing barangay noong Miyerkoles ng hapon.

Ayon sa BFP Caloocan, 6:00 ng gabi nang ideklarang fire under control ang sunog.

Electrical wiring naman ang isa sa iniimbestigahan dahilan ng sunog.

Sa ngayon, dadalhin muna sa isang simbahan at 3 covered courts ang mga apektadong pamilya.(Beth Sanson)