Preso, sinilbihan ng warrant sa loob ng selda

Kahit nasa loob ng piitan ng Caloocan City Jail, naisilbi pa din ng mga operatiba ng operatiba ng District Anti-Carnapping Unit (DACU) ng Northern Police District (NPD) laban sa isang Most Wanted Persons (MWP) sa krimeng Frustrated Murder.

Sa isinumiteng ulat kay Northern Police District Director PBGen. Jerry V. Protacio, 3:50 ng hapon, Lunes ng ihain sa akusado ang warrant of arrest na kinilalang si alias “Harold”, 36, residente ng Tala, Caloocan City sa loob ng BJMP Caloocan City Jail, na matatagpuan sa Talimusak Street, Kaunlaran Village, Caloocan City.

Inisyu ang warrant of attest ni Presiding Judge Remigio M. Escalada Jr. of the Regional Trial Court Branch 123, Caloocan City, na may petsang June 26, 2018.

May piyansang inirekomenda ang korte na P200,000.00 para sa pansamantalang kalayaan. (Beth Samson)