Eala umabante sa Guadalajara 125 Open semis

TINALO ng Filipinong tennis ace na si Alex Eala si Italian Nicole Fossa Huergo, 7-6 (2), 6-2, Biyernes ng umaga (oras sa Maynila) upang makapasok sa semifinal ng Guadalajara 125 Open sa hardcourt ng Panamerican Tennis Center sa Zapopan, Mexico.

Ang second seeded na si Eala ay haharapin ang Amerikanang si Kayla Day, na nagwagi laban sa third seed at ika-84 sa mundo na si Emiliana Arango ng Colombia, 7-5, 6-2, sa isa pang quarterfinal match ng torneo, na kilala rin bilang Abierto Zapopan.

Si Eala, na No. 75 sa mundo, ay tinalo si si Dutch Arianne Hartono, 6-2, 6-2 (unang round) at si American Varvara Lepchenko, 6-7 (3), 7-6 (3), 6-3 (ikalawang round).

Samantala, ang isa pang semi-final match ay tampok si Russian Maria Kozyreva laban sa Hungarian Panna Udvardy.Natalo ni Kozyreva si American Alana Smith, 7-6 (10), 6-4, habang nagulat si Udvardy sa ika-apat na seed na Britanong si Francesca Jones, 6-4, 4-6, 6-3.

Ang top seed na si Russian Kamilla Rakhimova, ang kampeon ng 2024, ay naalis ng 2020 Australian Open Junior champion na si Victoria Jimenez Kasintsev ng Andorra, 1-6, 6-7 (2), sa unang round.