Anti-Marcos rally ni Cong. Barzaga nilangaw

NAGAING mapayapa ang pagtatapos ng isinagawang anti-Marcos rally ni Congressman Kiko Barzaga sa Forbes Park, Makati City, Linggo ng gabi.

Ayon sa National Capital Region Police Office (NCRPO), humigit-kumulang 100 katao lamang ang dumalo sa nasabing protesta. Karamihan sa mga ito ay vlogger.

Mas marami pa ang bilang ng mga anti-rally police at bumbero na humarang sa naturang rally sa gate ng eksklusibong subdivision kungsaan nakatira sina dating House Speaker Martin Romualdez at ex-Congressman Zaldy Co, mga umano’y sangkot sa multi-billion flood control projects anomalies.

Una nang sinabi ng NCRPO na walang permit ang rally at bawal ang ganitong pagkilos sa mga private property.