Alex Eala tanggal sa WTA Top 50

NAGPAPATULOY si Alex Eala sa kanyang makasaysayang pag-angat sa Women’s Tennis Association (WTA) singles rankings matapos mapasok ang Top 50 sa unang pagkakataon sa kanyang karera ngayong linggo.

Ang 20-taong-gulang na Pilipinang trailblazer ay umakyat ng isang baytang mula No. 51 noong nakaraang linggo sa kabila ng pagtatapos sa ikalawang round sa WTA250 Hong Kong Open ilang araw na ang nakalipas.

Umusad si Eala sa ikalawang round matapos mag-retire ang manlalaro mula sa Britanya na si Katie Boulter dahil sa injury, 6-4, 2-1 (ret), ngunit natalo sa ikatlong seeding na Canadian at magiging kampeon na si Victoria Mboko, 3-6, 6-3, 6-4.

Gayunpaman, sapat na ito upang bigyan siya ng puntos na magpapataas ng kanyang ranggo sa katapusan ng kanyang season.

Sa kabuuan, ito ay isang kamangha-manghang season para kay Eala, na sinimulan ang taon na ranked No.138. Pinatingkad niya ang kanyang season sa pamamagitan ng nakamamanghang pagtatapos sa semifinals sa Miami Open, na kinabibilangan ng pagwawagi laban sa mga Grand Slam champions na sina Jelena Ostapenko, Madison Keys, at Iga Swiatek sa daan na nagdala sa kanya sa loob ng Top 75 sa pagtatapos ng Marso.