PANGULONG MARCOS SA PARATANG NI DATING CONG. ZALDY CO: “HINDI KO PAPATULAN ‘YAN”

Ayaw patulan o bigyan ng importansiya ni Pangulong Ferdinand Marcos Jr. ang mga pahayag ni dating Cong. Zaldy Co laban sa kanya.

“I don’t want to even dignify what he was saying,” ang matigas na pahayag ni PBBM nang tanungin media tungkol sa mga alegasyon ni Co.

Giit ng Pangulo, hindi karapat-dapat bigyan ng bigat ang mga paratang laban sa kanya.

Nauna na ring pinabulaanan ni Palace Press Officer Usec. Claire Castro ang mga alegasyon ni Co, at aniya’y walang batayan ang mga ito.

Sa kanyang mga video, sinubukan ni Co na idawit si Pangulong Marcos at dating House Speaker Martin Romualdez sa umano’y P100 bilyong “insertions” sa national budget, bagay na tinawag ng Palasyo na walang matibay na ebidensya. (Gilbert Perdez)