14 luxury cars ni Zaldy Co kinumpiska sa BGC condo

Umaabot sa 14 luxury cars na pag-aari umano ni da-ting Ako Bicol party-list Representative Zaldy Co ang kinumpiska matapos ang isinagawang raid sa pangunguna ng Criminal Investigation and Detection Group (CIDG) noong Huwebes sa BGC, Taguig City.

Sa ulat na ipinadala ni CIDG Director P/Major Gen Robert Morico II, 9:00 ng gabi nang isagawa ang Oplan OLEA kung saan inimplimenta ang mga search warrant dahil sa paglabag sa Section 1401 in Relation to Section 102 at 113 of RA 10863 o Customs Modernization and Tariff Act laban sa La Venezia Hotel and Spa Inc.

Target ng operasyon ang mga kumpanya na umano’y pag-aari ni Co na kinabibila-ngan ng Sunwest Construction and Development Corp., Eco Leisure and Hospitality Holding Company Inc., Misibis Resort and Hotel Management Inc., Jalandoni Alay Flora, at La Venezia Hotel and Spa Inc.

Sa bisa ng mga search warrant na inisyu ni Hon. Rosalyn D. Mislos-Loja, 1st Vice Executive Judge, Branch 41, RTC, NCR, Manila, kasama ang ilang opisyal ng Barangay at building administrator ng condominium nakuha ang mga nasabing sasakyan na kinabibilangan ng One (1) unit Rolls Royce, white, bearing Plate No. NER 5003 (Eco Leisure and Hospitality Holding Corp.); One (1) unit Toyota Sequoia, black, bearing Plate No. NNV 2869 / UOU 524 (La Venezia Hotel and Spa Inc.); One (1) unit Cadillac Escalade, black, bearing Plate No. NHE 7938 (Misibis Resort and Hotel Management Inc.); One (1) unit Cadillac Escalade, black, bearing Plate No. NAG 8934 (Sunwest Construction and Development Corp.); One (1) unit Cadillac Escalade, black, bearing Plate No. NHE 2098 (Eco Leisure and Hospitality Holding Corp.); One (1) unit Lexus, black, bearing Plate No. U2K 350 (Sunwest Construction and Development Corp.); One (1) unit Lexus Sport Plus, bearing Plate No. NBJ 8944 (La Venezia Hotel and Spa Inc.); at One (1) unit Mercedes-Benz, black, bearing Plate No. NBX 8571 (Sunwest Construction and Development Corp.).

Aabot Ang total estimated value sa P145,000,000.00

Ang iba pang nakuhang sasakyan, ang Lexus Hybrid LM350h, color black, Plate No. Z80584; Lexus LV 350, color black, Plate No. NEM 8111; GMC Yukon Genau, Plate No. NHB 1288; at Ferrari, color light metallic blue, Plate No. CC455B.

Dinala ang mga nakumpiskang luxury cars sa ICI sa Taguig City para sa dokumentasyon at tamang disposisyon.

Sa patuloy na paghahanap, nakuha din ang isang unit ng Toyota Fortuner at isang unit ng Toyota Sequoia na parehong kulay itim at nakarehistro mismo kay Co.

Patuloy pang iniimbestiga-han ng mga awtoridad kung sino ang may-ari ng mga parking slot at kung kaninong nakapangalan ang condominium.

Wala pang inilalabas na pahayag ang kampo ni Co kaugnay sa isyu. (Mark Obleada)