Padyak boy timbog sa baril at droga

Arestado ang isang tricycle driver na drug pusher na kabilang sa drug watchlist sa Brgy, Partida sa nabangit na bayan sa isinagawang buy bust operation ng Philippine Drug Enforcement Agency, at Norzagaray pulis.

Sa report ni PLt.Col. Lynelle F Solomon kay PNP Provincial Director PCol. Relly Arnedo kinilala ang suspek na si Armando Aguilar, 59 anyos, residente sa nabangit na barangay.

Sa ulat, Marso 21 alas-9:00 ng gabi ng isagawa ang buy bust nang magpanggap na poseur buyer ang isa sa mga pulis.

Kung saan nakumpiska mula sa suspek ang 22.26 na gramo ng shabu, na nagkakahalaga ng P151.368.00 at isang calibre 38 baril na revolver na walang serial number at buy bust money.

Samantala detenido ngayon ang suspek sa kasong paglabag sa RA 9165 at RA10591 na illegal possesion of fire arms and Ammunitions.(Thony D. Arcenal)