Bebot pinugutan ng lasing para gawing pulutan

KALUNUS-LUNOS ang sinapit ng isang babae nang pugutan ng ulo dahil sa personal na away sa Barangay Canayugan, Bayugan City, Agusan del Sur nitong Martes.

Kinilala ang biktima na si Rosalina Abing, 60 anyos; at ang salarin ay kinilalang si Mario Fortun. Magkapitbahay ag dalawa sa Barangay Canayugan.

Ayon sa Bayugan City Police Office, natagpuan ang bangkay ng biktima sa loob ng tindahan sa kanyang tahanan, habang ang ulo nito ay dinala ng salarin sa isa pang bahay kungsaan ito nakikipag-inuman kasama ang mga kaibigan.

Galing na sa inuman ang salarin, at sinabing uuwi ito para kumuha ng pulutan, ngunit pagbalik nito bitbit na niya ang ulo ni Abing na nilagay sa speaker.

Nasa kustodiya na ngayon ng Bayugan City Police ang salarin.