Alfonso Cavite Incumbent Mayor Salamat, naghain na ng COC

Pormal nang naghain ng Certificate of Candidacy si Alfonso Cavite Incumbent Mayor Randy Salamat sa unang araw ng filing ng COC.

Bago maghain, dumalo muna sa isang simpleng misa ng pasasalamat si Mayor Randy na sinaksihan rin ng mga Barangay Officials ng bayan ng Alfonso, sunod naman niyang tinungo ang covered court kung saan naghihintay ang kanyang mga taga suporta na nagbigay ng mainit na pagtanggap sa kanya.

Ito ang magiging ikatlong termino ni Mayor Randy dahil sa kasalukuyan ay nananatiling “uncontested” o walang kalaban sa naturang posisyon ang Incumbent Mayor.

Ang unang dalawang termino ni Salamat, puro pagtatanim para sa ikabubuti ng kanyang mga nasasakupan, habang ang paparating na ikatlo at final term nya, tinagurian nyang “panahon ng pag-aani, ayon dito.” (IRINE GASCON)