Cassandra Ong, Ronelyn Baterna may Interpol Red Notice na – PAOCC

NAGLABAS na ng ‘Red Notice’ ang International Criminal Police Organization (Interpol) laban kina Cassandra Li Ong at Ronelyn Baterna, ayon sa Presidential Anti-Organized Crime Commission (PAOCC).

Kapwa may warrant of arrest sa kasong ‘qualified human trafficking’ sina Ong at Baterna, mga kinatawan ng sinalakay na Lucky South 99 POGO hub sa Pampanga.

“Nitong October 17 yata, kung hindi ako nagkakamali, lumabas na ang warrant niya doon sa France at na-receive na po ng government natin, then distributed na po ‘yan. So magkakaroon po ng isang pagpupulong para mahanap po [sila],” ani PAOCC Spokesperson Winston Casio.

Nauna nang sinabi ni Casio na lumipad patungong Japan si Ong noong unang bahagi ng 2025 matapos palayain sa pagkakadetine ng Kongreso.