Lowry, Bida sa panalo ng Raptors vs Lakers: 107-92
Advertisers
UMISKOR ng 33 points, 14 rebounds at anim na assists si Kyle Lowry, upang pangunahan ang opensiba ng Toronto Raptors sa kanilang 107-92 win kontra Los Angeles Lakers sa NBA restart na ginanap sa Walt Disney World Complex sa Orlando, Florida kahapon.
Nag-ambag ng 23 points si OG Anunoby, 15 points at siyam na rebounds mula kay Pascal Siakam para sa Raptors.
Si Fred VanVleet naman ay nagtapos na may 13 points at 11 assists.
Samantala, si LeBron James ang siyang nanguna para sa Lakers bitbit ang kanyang 20 points at 10 boards.
Nag-ambag ng 16 points si Kyle Kuzma habang nakapagtala naman si Anthony Davis ng 14 points sa 2-of-7 shooting.
Nagdagdag ng 12 points si Dion Waiters, habang nagtapos na may 11 si Alex Caruso.
Ito ang ika-11th straight victory ng Toronto laban sa Lakers, hindi pa dinaig ni LeBron ang Raptors simula nang lumagda ito sa Los Angeles Lakers.
Ang susunod na makakaharap ng Lakers ay ang Utah Jazz sa Lunes ng gabi, habang ang Raptors ay makakasagupa ang Miami Heat.
