Angeline pinagmamalaki na retokada

BINULAGA ni Korina Sanchez-Roxas ang social media dahil sa mapangahas niyang sexy photos.

“Just to report to you: from 118 days since Day One of lockdown on March 17. 121 lbs pre-COVID, down to 110 lbs in 2 months. And I’ve been able to MAINTAIN (that’s the REAL challenge). 20-50g carbs daily ONLY. Swimming. 5 lb weights. Kaya mo rin yan!” sey ni Korina.

Talagang hindi nga pakakabog ang broadcast journalist na kahit nasa 50s na ay bonggang-bongga pa rin ang katawan kaya hindi rin mapigilang maging inspirasyon siya ng iba sa pagiging fit.

***

MUKHANG matitigil na ang mga bulung-bulungan at tsismis tungkol sa pagpaparetoke ni Angeline Quinto dahil matapang niyang ibinulgar ang mga ipinaretoke niya.

Sa Instagram, nag-post ang singer ng picture niya na may kasamang caption na “Eyelid surgery (check), Arm liposuction (check), Belly liposuction (check), Thermage (check), Breast reduction (check), Nose surgery (X) hindi q po ginawa yan pero nagpa consult po aq noon hindi q po tinuloy. Glutathione injection (check) bihira po dahil mas maputi po talaga aq nung kabataan q. Proud retokada here. Mabuhay po taung lahat.”

At dahil sa rebelasyong ito ay lalo siyang hinangaan ng mga fan na todo support sa kanya. (Rommel Placente)