4 MTPB sibak sa kasong robbery/extortion

TINANGGAL na sa trabaho ang apat na Manila Traffic and Parking Bureau (MTPB) officers nitong Miyerkules, August 19.
Ayon sa Manila Public Information Office (PIO), ito ay dahil sa kasong robbery/extortion.
Batay sa inilabas na memorandum, “effective immediately” ang pagsisante sa apat na MTPB officers.
Paalala ni MTPB Chief Operations Officer Wilson Chan, walang lugar ang pagnanakaw o pangongotong sa kanilang departamento.
“Lahat ng bulok na kamatis, iisa-isahin. Magbago na po kayo, zero-tolerance po tayo sa tolongges,” pahayag ni Chan. (Jocelyn Domenden)