Alden Richards aarangkada na ang 2 proyekto sa Kapuso

AARANGKADA na ang dalawang bagong programa ng Asia’s Multimedia Star na si Alden Richards sa GMA Network, ang bagong anthology na “I Can See You” sa pilot episode na “Love on the Balcony.”

Ang nasabing episode ay unang pagtatambal nina Alden at Jasmine Curtis-Smith. Kasama rin sina Pancho Magno, Denise Barbacena at Shyr Valdez. Sa direksyon ni LA Madridejos.

Ilan sa brightest Kapuso stars ay mapapanood sa four episodes -ang “Love On the Balcony,” “High Rise Lovers,” “The Promise,” at “Truly. Madly. Deadly” sa GMA Telebabad for four consecutive weeks na simula ng September 21.

Sa darating Setyembre 27, Linggo, 3:45 p.m., magho-host si Alden ng special documentary na “Lockdown: Food Diaries” ng GMA Public Affairs.

Bagay kay Alden ang proyekto dahil bukod sa pag-aartista, nasa food business din siya. Tulad ng ibang negosyo, naapektuhan din ang kanyang food business dahil sa pandemya.

  Napapanood ito bago ang “Wowowin” sa GMA Network. (Joe Cezar)