Marian at Dingdong nag-‘quickie’ sa Laguna

IPINASILIP ni Kapuso actress-beauty queen Winwyn Marquez ang kanilang training bilang military reservist kamakailan.

Kasama rito ang pag-assemble at disassemble ng 45-caliber gun at M16 rifle. Dahil first time itong gagawin ng ‘I Can See You’ actress, siniguro ni Winwyn na tandaan at isapuso ang natutunang tatlong bagay – ‘safety, safety, and safety’ – bago pa man humawak ng baril.

Ibinahagi naman ni Winwyn na ang kagustuhan niyang maprotektahan ang kanyang pamilya at mapaglingkuran ang bayan ang nagtulak sa kanyang maging bahagi ng military reservist team, “Siguro, the fact that I know how to protect my family and even the people that I don’t know ‘pag may emergency.”

“Pero the biggest factor was ‘yung sinabi na you can serve your country and you can serve people. Dun pa lang hindi na ako nagdalawang isip kasi my heart is for service. I’m not sure if people noticed this but ‘yung path ko laging papunta doon.

“Yes, I’m a beauty queen pero I see this as a new title and I’m proud to share this with everyone — that I’m gonna be a reservist under the marines.”

Samantala, bibida si Winwyn sa ikalawang installment ng much-awaited drama anthology na ‘I Can See You: High Rise Lovers’ na makakasama niya sina Lovi Poe at Tom Rodriguez. Mapapanood ‘yan simula October 5 na sa GMA Telebabad.

***

NILANGGAM ang social media sa recent posts ng Kapuso Primetime King at Queen na sina Dingdong Dantes at Marian Rivera nang ipinasilip nila ang naging quick getaway sa isang wellness facility sa Laguna.

Matapos ang naging lockdown taping ni Dingdong para sa ‘Descendants of the Sun’ PH, finally ay nagkaroon na sila ng alone time ng kanyang asawa.

Marami ang kinilig sa caption ng aktor sa kanilang selfie ni Marian sa Instagram na, “Malinis na hangin, mga puno, sariwang gulay, mainit-init na tubig…at ikaw. Huwow! A much needed relaxation with some medical treatments in this well-loved place.”

Talaga namang sunud-sunod ang blessings para sa pamilya Dantes at kamakailan lang ay tinanggap ni Dingdong ang Asian Star Prize mula sa 15th Seoul International Drama Awards.(BKC)