PH chess wizard Ivan Travis Cu naghari sa 92nd BCA Kiddies chess

PINAGHARIAN ni Philippine chess wizard Ivan Travis Cu ng San Juan City ang katatapos na 92nd Brainy Chess Academy-BCA Kiddies Under 13 category na ginanap sa lichess.org nitong Huwebes, November 12, 2020.

Ang 11-year-old Cu na grade six pupil ng Xavier School ay nakakolekta ng six points mula six wins at one loss para magkampeon sa seven-round tournament na pinatupad ang seven minutes plus two seconds increment time control format.

Nailista ni Cu ang panalo kontra kina Hashsya Nawwaarah binti Mohd Faris ng Malaysia sa first round, Dwight De Guzman ng Mandaluyong City sa second round, Hans Lee Villorente ng Pandan, Antique sa fourth round, Gabriel Ryan Paradero ng Manila sa fifth round, Cassey Miguel Tabamo ng El Salvador City, Misamis Oriental sa sixth round at Kate Nicole Ordizo ng Alaminos, Pangasinan sa seventh at final round.

Natalo si Cu kay Joemel Narzabal ng Dipolog City, Zamboanga del Norte sa third round.

“I’m very happy with the victory,” sabi ni Cu na hindi makakalimutan ng talunin si Oscar Gao (elo 1595) ng Australia sa eight at final round para tumapos sa second place sa Boys 10 and under sa 36th Singapore National Age Group Chess Championships na ginanap sa Expo MAX Atria nitong December 27–30, 2019. Si Cu ay nakaipon ng seven wins at one loss tungo sa total performance 1622 sa kanyang effort. (Marlon Bernardino)