Sinas: Dike solusyon sa pagbaha

Ipinahayag ni Philippine National Police chief Police General Debold Sinas na posibleng solusyon ang paglalakay ng mga dike makaraang magsagawa ng aerial inspection sa mga lugar na nasalanta ng bagyong Ulysses.
Kasama na rito ang Marikina City, Rizal Province, Pasig City, at Payatas.
“Marami na tayong bahay na malapit talaga sa tabi ng ilog. Ang dike naman may wall naman so medyo baka taasan natin,” aniya.
Naunang sinabi ni National Disaster Risk Reduction and Management Council (NDRRMC) executive director Ricardo Jalad na nasa 401,800 indibidwal na ang nailikas sa bagyong Ulysses.(Gaynor Bonilla)