John makakapareha ang balik-showbiz na si Ellen sa sitcom ng TV5
Advertisers
BY FERNAN DE GUZMAN
BONGGA at magiging maingay ang TV5 sa taong 2021.
Tuluy na tuloy na kasi ang bagong sitcom na bubulaga sa lahat ng mahihilig tumawa.
Pagbibidahan ito ng multi-awarded actor na si John Estrada.
At sa kanyang pagbabalik-showbiz, makakatambal ni John ang kontrobersyal na actress na si Ellen Adarna.
” Masaya ako dahil ang ganda ng show na binigay sa akin. At sa akin din pinaasikaso at pinamahala ang casting,” simula ni John.
Peg nga raw ba ito sa dating sitcom na “John en Marsha?”
“Yes, kaya ‘John en Ellen’ ang title. Marami akong artista rito na nakasama ko like Long Mejia. Nagkasama na kami dati sa sitcom namin sa TV5 na “Happy Together” na isa sa top rated show sa Kapatid channel.”
Dahil ba paborito at kaibigan niya si Long?
“Kaya hinanap ko si Long..naniniwala ako sa husay niya sa larangan ng comedy,” tsika pa ni Papa John.
“Natutuwa ako dahil kahit hindi maganda ang sitwasyon natin dahil sa pandemic ay may ganitong napakagandang dumarating na proyekto. Blessed pa rin tayo,” anya pa.
Kelan ba ito mapapanood?
“Malapit na, sa January 17, 6 to 7 PM every Sunday, Primetime.”
Magiging bahagi rin ng comedy show ang mahusay na aktor na si Ronaldo Valdez at ang anak nina Cesar Montano at Sunshine Cruz na si Angelina Cruz at marami pang iba.
Abangan ang “John En Ellen” na mula sa direksyon ni Willie Cuevas.