Marlon Tapales vs Eden Sonsona sa Gensan

KASADO na ang ­lahat  para sa natak-dang laban ng mga boksingero sa Lungsod ng Hene­ral Santos ngayong araw, Nobyembre 21.

Sa eksklusibong panayam  kay Jim Claude Mananquil, ­promoter ng Sanman Promotions, kanyang inihayag na limang bout ang masasaksihan ng fans.

Pero kanyang nilinaw na dahil hindi pa tapos ang pandemic ay “virtual” lamang o walang audience sa loob ng venue.

Ang naturang laban ay kanilang tinawag na The Restart, ang ­kauna-unahang boxing event sa Pilipinas mula nang mangyari coronavirus outbreak.

Ayon kay Mananquil, mga local boxers ang kanyang kinuha na makalaban ng mga bosksingero mula sa Sanman Promotions ­dahil sa mahirap na ­sitwasyon.

Dagdag pa nito na kanilang sinunod ang lahat na mga inatas ng Games and Amusement Board para maiwasan ang deadly virus kung saan ang mga boksi­ngero ay isinailalim sa quarantine at swab test bago ang laban.

Ang main event ay si Marlon “The Nightmare” Tapales vs Eden Sonsona para sa 10 round bout.

Ang makaka-face off ni Aston Palicte ay si Reymart Taday, habang si Joey Canoy ay si Jobab Lucas, Micheal Casama vs Vergel Deguma, at Dave Apolonario kontra Bonjon Loperes.