Kopya ng SALN ng DOTr officials pinasusumite sa anti-corruption task force

IPINAPAPASA ni Transportation Secretary Arthur Tugade sa task force na nag-iimbestiga ng kurapsyon sa pamahalaan ang kopya ng Statement of Assets, Liabilities and Net worth (SALN) ng lahat ng opisyal ng DOTr.
Gayundin ang mga empleyadong kabilang o may kaugnayan sa project management at procurement ng ahensiya.
Pahayag ni Tugade, nais niyang ikumpara ang nilalaman ng saln ng mga opisyal ng DOTr sa loob ng tatlong upang makita kung mayroong dapat bigyang pansin.
Ayon kay Tugade, nakipagpulong na sila sa Presidential Anti-Corruption Commission (PACC) upang magpahayag ng kahandaang sumunod sa hinihinging requirement nito.
Sinabi ng kalihim na nais nilang ipakitang nakikipagtulungan ang DOTr sa ginagawang hakbang ng pamahalaan para matugunan at masawata ang kurapsyon sa gobyerno.