4 miembro ng sindikato arestado

AREASTADO ang apat na miyembro ng isang sindikato sa isinagawang operasyon sa Malangas, Zamboanga Sibugay.
Nakilala ang mga nadakip na sina Usman Esmail Balimbingan, Toto Lawadin Balimbingan, Mujahid Sensi Balimbingan, at Alih Sensi Balimbingan.
Ayon ulat, 5:00 ng umaga nang magsagawa ng operasyon ang pinagsanib na elemento ng 1st Provincial Mobile Force Company, CIDG 9, Malangas MPS, Naval Task Force 61, 1st Cavalry Battalion, Tactical Operation Wing-Western Mindanao, at Philippine Coast Guard sa Barangay Tigabon, Malangas.
Isinagawa ang operasyon base sa search warrant na ipinalabas ni Judge Jeric S. Kagaoan ng RTC, 9th Judicial Region, Branch 31, Imelda, Zamboanga Sibugay Province, laban sa grupong Balimbingan.
Sangkot ang Balimbingan Group sa piracy, extortion, gun running, kidnapping at illegal drug sa Zamboanga Peninsula. (Mark Obleada)