31ST SEAGAMES VIETNAM 2021, COMM. FERNANDEZ, GO FOR GOLD AT BRIDGE SA TOPS ON AIR

GAANO kahanda ang Philippine team para idepensa ang overall title sa pagsambulat ng 31st Southeast Asian Games sa Hanoi, Vietnam sa November?
Si newly-appointed SEA Games Chef de Mission at Commissioner Ramon Fernandez ng Philippine Sports Commission (PSC) ay nakahandang sagutin anumang katanungang may kaugnayan sa naturang biennial sports spectacular sa gaganapin ngayong “Usapang Sports on Air” ng Tabloids Organization in Philippine Sports (TOPS) via Zoom. Dagdag ningning din ang partisipasyon sa talakayan ngayong 10 a.m. session sina Jeremy Go at Ronnel Hualda ng Go for Gold gayundin si Winston Arpon ng Philippine Tournament Bridge Association.
Inaanyayahan ni TOPS president Ed Andaya ng People’s Tonight ang mga opisyales at miyembro, kaisport sa sports community, na lumahok sa weekly session na iniisponsoran ng Philippine Sports Commission (PSC), Philippine Amusement and Gaming Corporation (PAGCOR) at Games and Amusements Board (GAB).
Ang TOPS ay binubuo ng mga editors, columnists, reporters at photographers ng mga pangunahing national tabloids at blogger-friends mula sa mga social media groups.(Danny Simon)