Bea malampasan kaya si Kathryn sa takilya bilang katambal ni Alden?

On Jan 24, 2021

Advertisers

Ni WALLY PERALTA

TULAD ng inaasahan, naging super hit din sa televiewers ang kauna-unahang virtual reality concert ng bansa ang “Alden’s Reality” na ginanap nitong nakaraang December 8, 2020.

Super hit sa ticket selling ang naturang virtual concert ni Aden at sinubaybayan din ng mga manonood nang ipalabas ito kamakailan sa Kapuso Network.

Ano naman kaya ang bagong handog at pakakaabangan ng mga supporters ni Alden sa kanya ngayong taon?

Sa isang panayam ay buong pagmamalaking sinabi ng aktor na babalik na ngayong February ang naudlot na chidren reality talent search show nila na “Centerstage” kasama si Betong Sumaya.

Enjoy si Alden sa show dahil nakikipagkulitan siya sa mga bagets. O di nga ba, kilalang kids friendly si Alden.

Nasa kainitan palang ang naturang talent search show for kids nang mawala ito sa ere sanhi ng pandemyang lumaganap sa buong mundo na very vulnerable ang naturang virus sa mga bagets ganun din naman sa mga senior citezen.

Samantala, wala pang teleseryeng napapabalita o niluluto ang Siyete para kay Alden pagkatapos ng “The Gift”. Pero excited ang Asia’s Multimedia Star sa pagsisimula ng bago niyang pelikula.

Kung matatandaan late last year ay napabalitang magtatambal sa pelikula sina Alden at Bea Alonzo. At tila tuloy na ito. Malampasan kaya nito ang success ng pelikulang ginawa ni Alden katambal si Kathryn Bernardo, ang “Hello Love Goodbye”?

At siyempre pa, more of Alden in “All Out Sundays” and “Eat Bulaga.”
***

SAY ng malalapit na kaibigan ng komedyanang si Kiray Celis na kailangan na raw nitong magpa-haircut dahil humahaba na ito nang husto.

Napaiyak kasi niya ang non-shobiz boypren na si Stephan Estopia nang mapaniwala itong may kahalikan si Kiray na kasamahan niyang aktor sa lock-in taping ng “Owe My Love”.

At dahil sa hindi mapupuntahan ang gf at makompranta ito sa kumakalat na video ay napuno na ng emosyon ang usapan nilang magsyota. Cry me a river ang drama ng dyowa dahil sa matinding selos at galit.

Sa huli ay inamin na rin ni Kiray na prank video lang ang kanyang ginawa para sa boypren dahil sa miss na miss na niya ito physically. Nakuha raw ni Kiray ang ideyang i-prank ang boypren kay Buboy Villar at kinutsaba nila si John Vic de Guzman na makahalikan nito sa naturang stolen video kuno at ang cellphone na ginamit ay pag-aari ni Jason Francisco.
Hindi raw halos matigil ang luha ng bf sa labis na sakit na nararamdaman at dito na nga raw sinabi ni Kiray na ‘its a prank’ pero tila labis na dinamdam ni Stephan ang napanood na video kaya binaba niya na ang ang cellphone at tumagal pa ng ilang oras bago tuluyang kausapin si Kiray ng dyowa niya.