Sharon at KC kapwa pinaglaruan ng staff ng ‘ASAP’ ?

Last updated Jan 25, 2021

Advertisers

Ni GERRY OCAMPO

UNANG nagbigay ng pahayag si Mocha Uson sa isyu na umano ay nabuntis ito ni Robin Padilla.

Nagsimula ang tsismis na ito sa isang blind item na lumabas two days ago. Kesyo kaya raw nawawala sa sirkulasyon ang isang actress/singer ay dahil buntis ito sa isang sikat na actor na may asawa.

May humula na kaagad na sina Robin at Mocha ang tinutukoy sa blind item dahil tumutugma ang deskripyon sa kanila kaya nagpasalin-na ang balita sa showbiz dahil malaking isyu nga naman ito.

Unang nagbigay ng pahayag si Mariel Rodriguez para i-deny ang balita sa kanyang Instagram at sumunod naman nagpabigay ng pahayag si Mocha at sa post ng singer/actress sa kanyang Instagram, Facebook, vlog ng video na nagpapakita na nag-e-exercise siya para ipakita na hindi siya buntis.

Sa caption ay tahasang itinanggi ni Mocha ang tsismis at nahihiya siya kina Robin at Mariel.

“Wala pong katotohanan ‘yang tsismis na yan. Napakabait po nung tao. Nakakahiya naman kay idol Robin at Mariel,“ bungad ni Mocha.

Pawang paninira lang daw ang ginagawa ng nasa likod ng tsismis at tila inaakusahan ang kampo ng isang politician na utak ng pagpapakalat ng maling balita.

“Sigurado ako ang nagpapakalat niyan ay yung mga bitter sa ating gobyerno. Alam ng lahat na ako at si Robin ay masugid na na supporter ni Pangulong Duterte kaya sinisiraan kami. Kulelat kasi sa survey ang pambato nila kaya kung anu-ano paninira ang iniimbento nila,” pahayag ni Mocha.

Sa pahayag naman ni Robin ay nahihiya siya kay Mocha dahil magkakilala sila bilang supporter ni Pangulong Rodrigo Roa Duterte para gawan ng malisyosong balita na wala naman katotohanan.

***

ITINANGGI ni Sharon Cuneta ang balitang mapapanood siya sa ASAP Natin `To last Sunday (Jan.24) na umere sa TV 5.

Sinabi ni Megastar sa kanyang Instagram na hindi rin niya alam kung bakit kumakalat sa social media na guest siya sa ASAP last Sunday in celebration of her birthday last January 6, gayung hindi naman daw siya umoo.

“Wala po ako sa A.S.A.P sa Sunday! I don`t know why kumakalat sa social media na guest po ako when di naman po ako nag “yes” sa pag-guest at di ko alam pang-birthday ko pala dapat yun, kasi patapos na ang buwan at dahil may work po ako that day at yun lang po ang gusto kong gawin,” paglilinaw ni Sharon.

Ang isa pang hindi nagustuhan ng Megastar ay nadadamay pa ang kanyang anak kay Gabby Concepcion na si KC Concepcion dahil natatanong kung dadalo ba ito dahil naging isyu nga ito last year na hindi ito dumating sa birthday tribute sa kanya sa ASAP.

“Ayoko din yung nadadamay pa pati si KC na lalabas ba siya o kung anuman. Para tuloy di mo alam kung celebration ba dapat o para kayong pinaglalaruan mag-ina,” aniya.

“I love my ASAP family ( I love Mr, M most of all. Pero nawala na siya doon),” patuloy pa ng Megastar

Alam ni Sharon na pagmumulan na naman ito ng issue kaya hindi niya naitago ang galit.

“But this is upsetting. Kasi pag hindi ako lumabas eh, di ako pa po ang lalabas na masama? Nananahimik po ang buhay ko,” say pa ng Megastar.

“The stars of ASAP having nothing to do with this. I am sure the staff meant well by adding me to guest. Unfortunately, this is still unfair to me,” pagtatapos ni Sharon.