Sheree enjoy sa pagtulog nang hubu’t hubad!

Ni NONIE V. NICASIO

IPINAHAYAG ng sexy actress na si Shree na natutulog siya nang totally nude. Ayon sa former member ng Viva Hot Babe, masarap sa pakiramdam kapag natutulog nang hubu’t hubad.

“Palagi, hahahaha!” Nakatawang tugon niya nang tanungin sa aming online show na Tonite L na L nina katotong Roldan Castro at Chuffa Mae, every Friday ng 7-8pm.

Ano ang pakiramdam kapag natutulog nang hubu’t hubad?

Sagot ni Sheree, “Masarap, fresh, fresh na fresh… at saka tipid sa kuryente, hindi ba? Kasi hindi na kailangang mag-aircon, para very open, very fresh, very refreshing… ganoon! Hahahaha!”

“Parang ano… Para mas feel na feel mo, hindi ba? Ganoon,” nakatawang saad pa niya.

“At saka kapag may makati, madaling kamutin, hindi ba?” Tanong naman ni Chuffa Mae. “Oo, kapag may makati madaling kamutin, ikiskis mo lang nang ganoon, very light lang, okay na, hehehehe!” Nakatawang pakli pa ni Sheree.

Anyway, dream come true para sa talented na aktres ang gaganaping virtual concert niya ngayong April 24 na pinamagatang L’Art De Sheree. Last year dapat ito sa Music Museum, pero dahil sa pandemic na hatid ng Covid19 ay na-postpone.

Saad ni Sheree, “Na-overwhelm ako, dream come true po ito talaga. Naiyak ako nang nakita ko ang poster ng ktx.ph.

“It’s a dream for me na makabuo ako ng show na magiging iba at babagay sa mga skills na kaya ko, with my music. Dapat last year pa ito, kaso naabutan ng Covid kaya na-move muna and until now andito pa rin si Covid, kaya I decided to do it virtually. With the help of my friend Jamaica Jornacion, kinausap ko siya about my vision and she helped me sa pagbuo nito. Since student niya ako and alam niya kung ano ang kaya kong gawin, we made this vision into a reality.

“I was looking for something na babagay sa mga gusto ko, so I started watching different shows everytime nag-travel ako. Until I watched a show in Paris, naku na in love ako sa concept! How they use the classic sound and mixed it with the different kind of sensual performances. Naisip ko na gawin yung show na yun dito and make it my own version. So, nag-training ako ng pole and aerial skills to add more twist with the classic music and I came up with L’ Art De Sheree.”

Ano ang dapat asahan ng mga gustong manood nito?

Lahad ni Sheree, “Isa siyang roller coaster ride na show, hehehe. Kakaiba ito, kahit yung mga crew and si direk namin medyo pigil-hininga kapag nag-shoot kami. At malalaman nila kung bakit kapag na-watch na nila yung show.”

Aniya pa, “I’m doing pole, aerial hoop, aerial hammock, burlesque, bondage art… parang story ito ng life ko in general at maraming makaka-relate. Women empowerment and gender equality, all in one! Hehehe!

“Ang goal ko rito is to give our audience a different type of entertainment-men, women, but no kids.”

Dagdag pa ni Sheree, “Ang mga guests ko halos mga winner na aerialist sa kani-kanilang field. Nandito rin si Gian Magdangal na first time namin mag-sing ulit after so many years, Viva Hotbabes na sina Gwen Garci, Katya Santos & Zara Lopez, Kristel-Pilipinas Got Talent winner, national artist in aerial and pole-Jamaica Jornacion, Johnny Sustantivo ng Talentadong Pinoy, directed by Jamaica Jornacion and Noel Maximo.

Para mapanood si Sheree sa dream virtual concert niyang ito na magaganap sa April 24, 2021, 8pm., book your tickets now sa www.ktx.ph.