King Tiger Yee, kabilang sa Manila Chooks sa FIBA 3×3

IIDINAGDAG ang isa pang beterano sa line-up ng Manila Chooks TM na sasabak sa FIBA 3×3 Lipik Challenger sa Croatia sa Mayo 21-22.
Panibagong lakas at karanasan ang ibibigay ng 6-foot-3 banger na si Mark Yee sa koponan na kinabibilangan nina Chico Lanete, Mac Tallo, Dennis Santos, at Zach Huang sa six-man pool ng Manila Chooks TM.
“Mark Yee is a good addition to our pool since he stretches the floor and has been known to be a good defender in the post,” pahayag ni Manila Chooks TM head trainer Aldin Ayo.
Impresibo ang performance ni Yee sa matagumpay na kampanya ng Davao Occidental-Cocolife sa 2019-21 Chooks-to-Go MPBL Lakan Championship.
Sa Lipik, makakasama ng Manila Chooks TM sa qualifying draw ang Croatia’s Split; Puerto Rico’s San Juan; Germany’s Bielefeld TSVE and Dusseldorf LFDY; at ang mananalo sa Quest tournament sa Russia. Hindi pa ipinahahayag ang groupings para sa QD pools.
Sabak din sa level-10 tournament na may nakalaang premyo na US$35,000 ang Serbia’s Liman at Novi Sad; USA’s NY Harlem; Canada’s Edmonton; Mongolia’s Ulaanbaatar and Sansar; Latvia’s Jelgava; Czech Republic’s Humpolec; Belgrade’s Antwerp; at Japan’s Aomi.
Nagsimula nang magensayo ang koponan nitong Mayo 13 sa Lucena Convention Center sa Quezon matapos aprubahan ng Games and Amusements Board (GAB) at Quezon’s local government unit.
“We would like to thank the Games and Amusements Board, headed by chairman Baham Mitra, for helping us find a training venue for our team. We are also grateful to Quezon Governor Danilo Suarez and provincial sports head Jonas Guiao for accomodating our team,” sambit ni Chooks-to-Go Pilipinas 3×3 league owner Ronald Mascariñas.
“GAB is always here to help our pro teams. We wish the team nothing but the best in their competition in Croatia,” pahayag naman ni GAB chairman Abraham ‘Baham’ Mitra.
Kasama rin sa bubble practice sina Jom Sollano; coaches McJour Luib at Marvin Pangilinan; at staff member Mark Ordoñez.
Naghahabol ang Manila Chooks TM para makakuha ng visa. Bunsod ng kawalan ng Croatina embassy sa Manila, kinailangan ng Chooks management na dalhin ang mga dokumento sa Jakarta, Indonesia para maproseso. Nakatakda ang FIBA 3×3 deadline para sa team arrivals sa May 20.(Danny Simon)