Joey de Leon never bibitiw sa pagsuporta sa kaibigang si Tito Sotto sa 2022 election

SA tagal ng samahan ng Tito Vic and Joey, mapa-showbiz man o personal, malabo nang matibag pa ito ng kahit na anong tsika lalo na at wala namang katotohanan.

Kamakailan ay hindi maiwasang mahayblad ni Joey de Leon nang may lumabas na  fake news na gamit pa ang pangalan at piktyur ng Pinoy Henyo Master, na kesyo ibang kandidato raw ang suportado niya.

“Pitong presidente na kaming magkakasama. Kailangan pa bang i-explain yan? Dun sa mga “friends” ko kuno, fact check muna before posting! Erection ang problema ko hindi election. Ginagalit nyo ko eh,” post ni Joey sa kanyang IG account na angpoetnyo.

Kaya sa mga nagpapakana ng mga maling balita, tantanan na ‘yan at obvious naman na kahit anong mangyari ay hindi bibitiw si Joey, siyempre kasama na si Bossing Vic Sotto, sa pagsuporta sa kandidatura ng kaibigang si Tito Sotto bilang vice president sa darating na 2022 election. (BKC)