Team Lakay sasabak sa ‘ONE; Winter Warriors ll

APAT na Team Lakay fighters ang makipagbakbakan sa “ONE; Winter Warriors ll” sa December 17, 2021 sa Singapore Indoor Stadium.

Babalik ang dating world champion Kevin Belingon at Danny Kingad matapos ang mahabang layoffs. Habang si Stephen Loman at Jhanlo Mark Sangiao ay gagawin ang kanilang ONE Championship debut.

Makakaharap ng dating ONE bantamweight champion Belingon, si Kwon Won ll.

Ang 34-year-old Belingon ay ranked No.2 sa bantamweight, nabigo ang kanyang huling tatlong laban – ang dalawa ay mula sa kasalukuyang ONE bantamweight champion Bibiano Fernandez at ang isa kontra UFC fighter John Lineker.

Samantala, si Kwon ay nagwagi ng back-to-back fights kontra Bruno Pucci at Rui Chen.
Si Belingon ay 20-8,Habang si Kwon ay 10-3.

Makakatapat ni Kingad ang dating ONE flyweight titleholder Kairat Akhmetov.
Kingad ay kasalukuyang rated No.2 sa flyweight division sa likuran ni American superstar Demetrious Johnson, Habang si Akhmetov ay ranked No. 4 kasunod ni Yuya Wakamatsu.

Ang 26-year-old Kingad ay galing sa panalo kontra Wei Xie, Habang si Akhmetov nagtagumpay sa kanyang huling tatlong laban kontra Dae Hwan Kim, Reece McLaren at Hao Bin Ma.

Kingad ay 14-2,Habang si Akhmetov ay 27-2.

Samantala, sina Loman at Sangiao ay gagawin ang kanilang ONE Championship debut matapos pumirma sa organization nakaraang taon.

Makakaharap ni Loman ang No.3 bantamweight Yusup Saaddulaev, Habang si Sangiao (3-0)makipagbuno kay Paul Lumihi (7-5)