Retiradong US Air Force timbog sa droga

NADAKIP ang retiradong miyembro ng US Air Force sa isinagawang raid sa isang drug laboratory sa Quezon City nitong Sabado.

Kinilala ang retiradong US Air Force na si Ramon Loarca.

Nagsagawa ng operasyon ang National Bureau of Investigation (NBI) bitbit ang search warrant.

Narekober ang ilang uri ng iligal na droga kagaya ng shabu, ecstasy, cocaine, liquid marijuana, at kush.

Nakuha rin sa suspek ang ilang baril at bala.

Kasalukuyang tinitingnan ng NBI ang pinagmumulan ng iligal na droga ng suspek at ang mga customer nito.