Tindero sa palengke kinotongan ng empleyada ng city hall

INARESTO ng National Bureau of Investigation sa Central Visayas ang isang empleyado ng Cebu City Hall dahil sa extortion sa mga tindera sa palengke nitong Biyernes.

Kinilala ang dinakip na si Karla Marie Bargamento, nagsisilbing administrative aide III at in-charge sa operasyon ng Carbon Freedom Park Market.

Sa report, humihingi ang suspek ng P100,000 sa bawat tindero kapalit ng pagkuha nila ng puwesto sa redeveloped Carbon Market. Nakuhanan ng NBI ng video ang pangingikil nito.

Nilinaw naman ng korporasyong Megawide na walang reservation fees sa mga stall.