Ping timeout sa politics, nakipag-bonding sa mga apo

SAGLIT na nagpahinga si Partido Reporma standard-bearer Senador Panfilo Lacson sa politics.

Inasikaso muna niya ang pakikipag-bonding sa mga babaeng apo.

Sa Instagram post ng kanyang anak na si Pampi nu’ng Linggo, masayang makikita ang presidential aspirant na ini-enjoy ang pamimingwit kasama ang dalawang apo na banaag din ang saya sa mga mukha na kasama ang kanilang Lolo Ping.

“Sunday Quality time with the girls,” naka-post sa caption ni Sen. Ping.

Nag-break muna sa pangangampanya si Lacson dahil halos walang tigil ang paglilibot nila ng ka-tandem na si Senate President Tito Sotto sa iba’t ibang parte ng bansa. Inilatag  niya ang kanilang plataporma para sa 2022 elections. (BKC)