Alex Eala, Argentine partner pasok sa Junior Orange Bowl quarterfinals

NAITAKAS ni No.3 seeds Alex Eala ng Pilipinas at Solana Sierra ng Argentina ang quarterfinals berth ng Orange Bowl International Tennis Championship Huwebes sa Florida, United States.

Dinispatsa nina Eala at Sierra ang tambalan nina Mirra Andreeva ng Russia at Katja Wiersholm ng US, 63-62, sa Girls 18 and under second-round para ikasa ang quarterfinals clash kontra Chelsea Fontenel ng Switzerland at Quavia Lopez ng United States.

Magtatapat ang Filipino-Argentine at Swiss- American sa Court 7 ng Frank Veltri Tennis Center Biyernes sa Plantation.

Sinimulan nina Eala at Sierra ang kanilang kampanya sa JA Plantation Orange Bowl sa 6-2,61 laban sa American Krystal Blanch at Madeliene Jessup.

Ang Filipino tennis star, na naging 2019 Junior Orange Bowl girls doubles champion kasama si Evialina Laskevich ng Belarus, ay pumalya sa singles competition bilang No.2 seed.

Juniors World No.3 Eala ay yumuko sa Girls 18 and under sa second round sa kapwa 16-year-old at juniors No. 76 Kristyna Tomajkova ng Czech Republic.