Pulis, patay sa sariling baril

Nagpapatuloy pa ang ginagawang imbestigasyon ng mga otoridad hinggil sa pagbaril ng isang pulis sa kanyang sarili sa Barangay Alalasan, Lapuz, Iloilo City.

Kinilala ang biktima na si Police Staff Sergeant Jerry Bayabay, 40, nakadestino sa Sta. Barbara Municipal Police Station, may asawa at may isang anak na babae.

Ayon kay Barangay Kagawad Sonia Porras, na ang pulis mismo ang nagbaril sa kanyang sarili kung saan nagtamo ito ng sugat sa ulo na sanhi ng kanyang pagkamatay.

Posible rin anya na aksidente lang ang nangyari.

Patuloy pang nagsasagawa ng malalimang imbestigsyon ang otoridad hinggil s nangyaring krimen.