May Dragon Lady na kinaiinggitan sa DENR?

DUMARAMI na ang kapisanan ng.mga “MARITESS” sa DEPARTMENT OF ENVIRONMENT AND NATURAL RESOURCES (DENR) na sahog ng kanilang meryendahan at pananghalian ay ang masustansiyang luto ng kanilang tinaguriang DRAGON LADY.., na bukod sa pagkaing pampabundat ang niluluto ay limpak na salapi ang nagtatalsikan kapag kumukulo na ang kawaling pinaglulutuan.

Napakapowerful daw nito dahil sa kumpas ng panghalo niyang sandok ay milyones na kadatungan ang nasasandok nito sa anumang uri ng lutuing pagkain.

Sa husay daw sa pagluluto nito ay nagawa niyang mabago ang recipe o sangkap sa dating ang tagaluto ay ang DEPARTMENT OF PUBLIC WORKS AND HIGHWAYS (DPWH) ay naisalin na sa palayok ni DRAGON LADY ang mga sahog para sa RIVER DREDGING at iba pang DREDGING WIORKS sa ating bansa.., at siyempre pa busog ang tiyan ng kaniyang mga alipores na CONTRACTORS.., kumbaga, walang ibang titikim o kakain sa proyekto kundi ang kaniyang mga alipores hehehe.

Dahil nasa sariling palayok na ni DRAGON LADY ang DREDGING WORKS ay nagawa nitong mabago ang mga rekado tulad sa POLICY ng mga magiging CONTRACTOR.., na, ang mga CORPORATION o COMPANY ng mga CONTRACTOR ay kinakailangang nagtataglay ng P1 BILYON para maging kuwalipikadong makakuha ng kontrata para sa mga RIVER DREDGING. Sa naturang figure ay nakapaloob na ang P250 milyon halaga ng equipment o kagamitan.., bukod sa kinakailangang may kakayahan na maglagak ng P20 milyon CASH PERFORMANCE BOND.

Gayunman, ang naturang policy na hinokus-pokus daw ng mga DENR TOP OFFICIAL sa impluwensoya ng DRAGON LADY ay pinapalagan dahil ang nasabing sistema ay “RIDICULOUS AND A RIDICULOUS BURDEN” umano sa QUARRY SECTORS.

Nakopo na nga ni DRAGON LADY ang COOKING para sa RIVER DREDGING PROJECTS.., na ang mga dating DREDGING OPERATORS sa ZAMBALES at MINDORO na simula noong 2016 ay sila na ang nagtatrabaho ay kinansela ang kanilang ENVIRONMENTAL COMPLIANCE CERTIFICATE (ECC) para ang NEW PLAYERS ang magtake-over sa mga proyekto…, gayong wala naman daw expertise ang mga NEW PLAYER sa larangan ng RIVER DREDGING.

Ang siste.., paglipas ng 3-taon ay wala naman daw naisagawang LEGITIMATE DREDGING ACTIVITIES sa mga lugar ng ZAMBALES, NEGROS, MINDORO at iba pang panig sa ating bansa.., hehehe, nalusaw ba ang pondo sa DREDGING WORKS o sa isang termino e ipinambulsa na lamang?

Isa lamang daw yan sa estratehiyang kinaiinggitan ng ilang DENR EMPLOYEES at CONTRACTORS dahil pilimpili na lamang daw ang namamantikaan o nakakatikim sa MENU ng pinagpalang DRAGON LADY.

Bulong ng mga “MARITESS” sa ARYA ay marami pa raw na mga aktibidades ang namanipula at nagawang maging “GATASAN” ng LADY DRAGON GANG sa DENR.., at maraming LATEST INFO ang ilalahad pa sa ating kolum.

Akala ko noong una, ang kaibigan kong DRAGON LADY ng PASAY na si AROM IVATAR ay nakakakuha na ng.mga JUICY PROJECTS sa DENR…, yun pala ay may ibang DRAGON LADY na mas matindi ang sinasandalan nitong INFLUENTIAL PERSONALITIES.., kaya hindi raw makontra ng mga DENR TOP OFFICIALS.., hehehe abangan sa mga susunod na kolum dahil AARYAHAN na ng mga MARITESS sa DENR ang mga LATEST na ipinapansahog sa bawat pagluluto ni DRAGON LADY!

***

Kung may reaksiyon lalo na sa mga nakakanti ng ating kolum ay maaari po kayong mag-email sa corpuzirwin074@gmail.com o magtext lamang sa 09085841303 para sa inyo pong mga panig.