Nono Lin dumulog sa korte vs warrant of arrest

IDINULOG sa Korte ng negosyanteng si Rose Nono Lin ang utos na pag-aresto sa kanya ng Senate Blue Ribbon Committee kaugnay sa hindi niya pagdalo sa dalawang magkasunod na pagdinig sa multi-billion deal ng Pharmally Pharmaceutical Corporation at ng Department of Budget and Management.

Si Lin ay stockholder sa nagsara nang Pharmally Biological Pharmaceutical Company, na ayon sa komite ay may kaugnayan sa PPC, ang kompanyang nakakuha ng pinakamalaking bahagi ng umano’y maanomalyang multi-billion na kontrata sa gobyerno para sa supply ng mga kagamitan laban sa Covid-19.

Ayon sa abogado ni Lin na si Atty. Alma Malongga, walang basehan at ebidensya na magpapatunay na may kaugnayan ang PBPC sa PPC kahit pa lumabas sa imbestigasyon na may isang nagngangalang Huang Tzu Yen na tumatayong direktor sa parehong kumpanya.

Hiniling din ni Atty Mallonga kay Sen. Richard Gordon, ang chairman ng komite, at sa mga miyembro ng komite na muling isaalang-alang ang “warrant of arrest” na inisyu laban sa kanyang kliyente dahil sa pagliban nito sa pagdinig noong Enero 27, dahil walang dahilan o basehan para banggitin si Lin sa “perjury” dahil lubos siyang nakipagtulungan sa imbestigasyon na may balidong dahilan para hindi dumalo sa mga pagdinig noong Enero 27, 2022 at Disyembre 21, 2021.

Sinabi ng abogado ni Lin, na sa ilalim ng mga panuntunan ng Senado, ang isang tao ay maaari lamang banggitin para sa contempt para sa labis na pagkabigo na lumitaw.

Sinabi rin ni Mallonga na sumulat si Lin sa komite na nagsasaad ng mga medikal na dahilan kung bakit hindi siya nakadalo sa pagdinig noong Enero 27, kasabay ang pagsumite ng RT-PCR test na nagpapakita na nagpositibo si Lin sa Covid-19, at yan ang kinumpirma ng isang kilalang manggagamot na si Dr. Anthony Leachon, sa panahon ng pagdinig.

Sinabi ni Mallonga kaya hindi rin nakadalo si Lin sa pagdinig noong Disyembre 21 dahil siya ay nasa lalawigan ng Guimaras para suriin ang kalagayan ng kanyang mga magulang at asikasuhin ang kanilang mga pangangailangan pati na rin ang iba pang mga kamag-anak at mga kabayan na apektado ng Bagyong ‘Odette’.

Samantala, duda naman ng mga taga suporta ni Lin, na may ‘confict of interest’ ang sapilitang pagpapaaresto ni Gordon dahil patunay umano ang nagkalat nitong mga tarpaulin sa distrito singko ng Quezon City na kasama ang katunggali ni Lin na si Congressional Candidate na kasalukuyang Quezon City Councilor Patrict Michael “PM” Vargas.

Subaybayan natin!

***

Para sa inyong mga suhestyon, reaksyon at opinyon mag-email lang sa balyador69@gmail.com.
Ugaliing makinig sa programang “BALYADOR” at “WALANG PERSONALAN TRABAHO LANG” mula lunes hanggang linggo 11:00am-12:00noon sa RADYO NG MASA entertainment net radio. tuwing sabado at linggo 12:00nn-12:30pm sa DWBL 1242 kHz am band, tuwing martes 9:30am RADYO NATIN 105.3 FM Pinamalayan,10:00am RADYO NATIN 102.9 FM Victoria, tuwing biyernes 9;00-10;00am 98.9 FM RADYO NATIN Roxas, tuwing huwebes 9:00-10:00am sa 96.9 FM RADYO NATIN Calapan City at tuwing Biyernes 8:00-9:00am at Sunday 12:00nn-1:00pm sa DWXR 101.7 FM Mapapanood live streaming at Youtube chanel.