2 timbog sa P3.5M shabu sa Caloocan

Swak sa kulungan ang dalawang lalaki nang makumpiskahan ng halos P3.5 milyong halaga ng shabu sa Caloocan City.

Kinilala ang mga dinakip na sina Ernesto Baculi, 32, at; Johnson Salvador, 33, na kapwa dinampot noong Marso 20.

Nakuha sa pag-iingat ng mga suspek ang limang nakabuhol na plastik na naglalaman ng kalahating kilong shabu na nagkakahalaga ng P3,450,000; isang android mobile phone, at marked money.

Kasong paglabag sa Comprehensive Dangerous Drugs Act ang haharapin ng mga suspek.