Deployment ng mga balota para sa local absentee voting (LAV), sinimulan na ng Comelec

SINIMULAN na ng Commission on Elections (Comelec) ang deployment ng mga balota na gagamitin naman para sa local absentee voting (LAV) sa mga nakatalagang polling precincts para sa May 9 national and local elections.

“The Committee on Local Absentee Voting (CLAV) has commenced the deployment of local absentee ballots and other election paraphernalia to the government agencies, [Armed Forces of the Philippines, Philippine National Police], media entities and corporations,” tweet pa ng Comelec nitong Miyerkules.

Nabatid na isasagawa ang LAV para sa 2022 election sa mga araw ng Abril 27, 28 at 29.

Kabilang sa mga pinapayagan na makilahok sa LAV ay ang mga mamamahayag, mga tauhan ng pamahalaan, at mga unipormadong tauhan ng gobyerno na naka-duty sa araw ng halalan.

Unang sinabi ni Comelec spokesperson James Jimenez na nasa 60,000 balota ang inimprenta para sa mga botante na nakapag-aplay para sa LAV. (ANDI GARCIA)