EJ Obiena fourth sa Hungary meet

KINAPOS si EJ Obiena sa podium finish sa Hungarian Athletics Grand Prix na nagtapos fourth place sa Bregyo Athletic Center sa Szekesfehervar, Hungary Lunes.

Nilundag ni Obiena ang bar na 5.45 meters para magtapos sa likuran ng eventual champion world No.1 Mondo Duplantis, na nagtala ng bagong rekord na 5.80m.

Veteran Renaud Lavillenie ng France ang nagbulsa ng silver sa lundag na 5.70m habang isa pang Frenchmen Thibaut Collet ang kumulekta ng bronze sa lundag na 5.60m.

Pangalawang tournament ni Obiena sa loob ng tatlong araw, matapos ang Kamila Skolimowska Memorial sa Chorzow, Poland na nasungkit ang bronze medal sa 5.73m na bahagi ng prestihiyosong Wanda Diamond League Meet.

Pangkalahatan, si Obiena ay sumabak sa walong outdoor tournaments simula Mayo, anim ay nagawa sa podium kabilang ang historic bronze medal sa World Athletics Championship sa Eugene,Oregon nakaraang buwan.