4 patay sa ambush sa Cotobato

PATAY ang apat katao nang tambangan sa bahagi ng Barangay Gintilan, Pikit, Cotabato nitong Biyernes ng tanghali.

Kinilala ang mga biktima na sina Kalid Selongan, 28 anyos; Ray Dodong Santander Benias, 47; William Cantonis, 41; at Darwin Cantonis alyas Bugoy, 28, pawang residente ng Brgy. Fort ng naturang bayan.

Sa ulat, galing sa pamimingwit sa Barangay Silik ang mga biktima at sakay ng isang motorsiklo nang pagbabarilin ng ilang armadong lalaki.

Nagpapatuloy pa ang imbistigasyon ng Pikit MPS sa panibagong madugong insidente na naitala sa bayan.