Amit, Centeno nanalasa sa Austria

NAGPARAMDAM agad ng lakas sina Billiard stars Rubilen Amit at Chezka Centeno matapos mag tumbok ng magkahiwalay na panalo sa opening round ng Predator World Women’s 10-Ball Championship sa Klagenfurt, Austria Miyerkoles.

Si Amit na ang palayaw ay “Bingkay” ay pinataob si Yi Yun Su ng Chinese-Taipei, 7-0, habang angat naman si Centeno kontra kay Elise Qiu ng Netherlands, 7-0.

Ang 2013 World Women’s 10-Ball Champion Amit, na nasa kandili ni businessman/sportsman Aristeo “Putch” Puyat, kinikilalang God Father of Philippine Billiards ay makakatambal sina Carlo Biado at Johann Chua sa World Team Championships sa parehong venue.

Nagbigay naman ng pahayag si World-renowned blogger Leslie “Anito Kid” Mapugay sa ating PH bets sa Austria:

“To Bingkay, Chezka, Johann, and Carlo: You are our champions on and off the green felt. You represent the best of the best from the Pool Capital of the World. All of you carry the hopes and dreams of an entire nation. I am very, very proud of y’all! We all are! Mahal na mahal namin kayo. Wishing our Team Philippines the very best. Mabuhay,” Wika ni Mapugay na co-founder ng Makati Pool Players Association – MAPPA.
(Marlon Bernardino)