Loyzaga itinalagang SEAG chef-de-mission
Advertisers
ITINALAGA ni Philippine Olympic Committee (POC) president Abraham Tolentino si baseball chief Chito Loyzaga bilang chef-de-mission ng bansa para sa 32nd Southeast Asian Games na nakatakda sa Phnom Penh,Cambodia sa susunod na taon.
Tinapik rin ni Tolentino si sambo’s Paolo Tancontian at canoe-kayak coach Len Escollante bilang deputy ni Loyzaga sa biennial event, kung san host ang Cambodia sa unang pagkakataon simula Mayo 5 hanggang 16.
“Their handling of their respective national sports associations (NSAs) and their management skills make them deserving of the posts,” Tugon ni Tolentino.
Ang 64-anyos Loyzaga, ay kasalukuyang POC auditor at dating commissioner ng Philippine Sports Commission, nagsilbing deputy sa 2010 Asian Beach Games sa Muscat, Oman.