“Tulungan natin ang ating bayan” – Citizen Isko

On Oct 18, 2022

SI former Manila Mayor Isko Moreno (gitna) kasama ang mga officers at members ng Manila City Hall Reporters’ Association (MACHRA). Nag- guest si Moreno sa kauna-unahang “Balitaan sa Harbor View” ng MACHRA. Kasama sa larawan (nakaupo mula kanan) Vice President and moderator Andi Garcia, President and moderator Itchie G. Cabayan at Bong Son. Nakatayo sa likuran sina (mula kaliwa) Juliet de Loza-Cudia, Ann Santiago, Mhylene Alfonso, Verlin Ruiz, Pat Santos, Jerry Tan, Ann Santiago at Jhun Anzures. (KR DE ASIS/MPIO)

Advertisers

“LET us help our country by not joining any efforts aimed at putting down the current government.”

Ito ang panawagan ni dating Manila Mayor Isko Moreno kasabay ng pagbibigay diin na lahat ng Filipino ay magdurusa kapag nabigo ang pamahalaan.

Ito ang siyang pahayag ni Moreno nang mag-guest sa kauna-unahang Manila City Hall Reporters’ Association (MACHRA) Forum o Balitaan na ginanap sa Harbor View Restaurant malapit sa Quirino Grandstand nitong Lunes ng umaga.

Habang sinisulat ang balitang ito ay mayroon ng mahigit 80K views and counting ang nasabing isang oras na Balitaan sa Harbor View ng MACHRA.

Sa nasabing forum, nanawagan si Moreno sa mga lider ng bansa na gawin nila ang kanilang bahagi upang magtagumpay ang pamahalaan kung saan maging ang mga ordinaryong mamamayan ay maari ding makapag-ambag.

“Pagsunod sa simpleng alituntunin, sa batas-trapiko, pagtupad ng mga tungkulin bilang mamamayan, malaking tulong na ‘yun sa liderato,” sabi ni Moreno.

Nang tanungin naman ang ngayo’y Citizen Isko na lang tungkol sa first 100 days ni President Ferdinand Marcos, Jr., sinabi ni Moreno na: “President Marcos is on the right track but that he is faced with too many challenges both internal and external.”

“Ituring natin na ang pamumuno ng isang lider ay para tayong nasa isang bangka. Ang kapitan ay ang pangulo at tayong lahat ang tripulante. Siya ang may hawak ng timon, siya ang gagawa ng direksyon at tayo naman ay dapat gampanan ang kani-kaniyang responsibilidad bilang tripulante” sabi pa ni Moreno.

Idinagdag pa niya na: “Wag natin ipanalangin…naku ’wag sasama sa mga indibidwal na ang layunin lang ay pabagsakin ang gobyerno. Kapag itong ating gobyerno ay bumagsak, sama- sama tayong lulubog dahil at the end of the day iisang bangka lang tayo. let’s do this… para na din sa kinabukasan ng anak natin.’

Binigyang diin pa niya ang kagandahan ng pag- move on, at ang demokrasya ay gumana nang piliin ng hat 31 million Filipinos si Marcos noong nakaraang eleksyon.

“Ayan, sinabi ko ‘fellow Filipinos. Ibig sabihn, mga kababayan, kadugo, kalahi pumili ng lider. ‘Yung halalan, nangyayari lang sa isang araw. Pag napili na, we have to get back to our lives and be good or better citizens. ‘Yun ay tulong na natin sa liderato,” ayon pa kay Moreno. (ANDI GARCIA)