SAKLA SURGE SA CAVITE AT R4A!

HABANG patuloy na nagbubulag-bulagan ang pulisya at ang mga pinuno ng Local Government Units (LGUs) ay malabo na magtagumpay ang kampanya kontra-krimen nina Pangulong Bongbong Marcos Jr. at PNP Chief Rodolfo Azurin Jr.

Hindi rin mapipigilan ang lalo pang paglawak ng operasyon ng iligal na bisyo tulad ng STL con-jueteng, sakla, pergalan, paihi, illegal logging, terminal, mining, quarry at iba pang labag sa batas na gawain sa mga lalawigan na nasasakupan ng CALABARZON area. Notoryus ang mga bayan ng Tanza at Indang, Cavite sa sakla at Tanauan City, Batangas sa STL-con jueteng at STL-con droga na syang puno’t dulo ng paglubo ng kriminalidad sa rehiyon.

Sinasabi ng mga anti-crime at vice crusader, kahit na nga mahigpit ang direktiba ni PNP Chief Rodolfo Azurin Jr. na “No Take at One Strike Policy” ay balewala ito pagkat “malasado” ang pagtulong ng mga lokal na opisyales para masupil ang operasyon ng mga iligal na bisyo.

Anila marami sa gambling operator ay bata-bata at kaalyado pa ng mga LGUs, kaya hindi na nga masawa-sawata ang mga pasugalang front din ng bentahan ng droga na ugat ng ibat-ibang uri ng krimen.

Posisyon ng mga anti-crime at vice crusader sa CALABARZON area ay ipatupad din sa LGUs ng Department of Interior and Local Government ang polisiyang umiiral sa kapulisan na “No Take at One Strike Policy”.

“No Take” po sa postura ang mga pulis, marami naman sa kanila at lokal na opisyales ay “take and take”! Hindi naman tama yan, masyadong “double standard” ang naturang posisyon ng pamahalaan na solong pinagpapasan ng responsibilidad ay ang kapulisan sa kasalanan din naman maging ng LGUs.

Walang tutugay na bawal na bisyo sa mga lokalidad kung walang kaalam na mga lokal na opisyales, partikular na ang mga gobernador, mayor ng respektibong siyudad, bayan hanggang sa mga barangay.

Kaya liban sa mga RDs, PDs, city at municipal police chief ay papanagutin din dapat ng DILG mula sa governor pababa sa barangay, pahayag pa ng nasabing grupo.

“Katulad na lang po ng pasakla sa loob ng sabungan ng Tombol Cockpit sa bayan ng Rosario, Batangas ibig sabihin ba nyan ay si Police Chief P/LtCol. Rheden Manalo lamang ang may bendisyon kay Marivic, hindi ba kaalam din dito si Rosario Mayor Leovy Morpe, gayundin sa mga saklaan sa Lipa City, di ba may kinalaman din dito si City Mayor Eric Africa at hindi lamang si City Police Chief, LtCol. Ariel Azurin?,sabi pa ng nasabing grupo.

May apat na sakla den si Marasigan sa Brgy. Sta Clara, San Pedro, San Francisco at Sta Maria sa Sto Tomas City.

“Tila imposible din po yatang walang alam sa mga saklaan sina Mayor Yuri Pacumio at Mayor Perfecto Fidel ng Tanza at Indang Cavite sa halos ay 24/7 na operasyon ng sakla doon nina Erik Turok, Tagoy at Governor’s Squad” (Minong Kupal, Totoy Tiyanak, Hero at Elwin), pagsisiwalat pa nila. Si alyas Tagoy ay nagpapakilalang close-in security ni Cavite OIC PD, P/Col. Christopher F. Olazo,” dagdag pa ng grupo.

Magbubukas din ng saklaan sa mga siyudad ng Cavite, Imus, Rosario at mga bayan ng Kawit at Noveleta. Liban sa sakla, may perya-sugalan na may shabuhan ang isang alyas Niña sa Brgy. Virata, Gen. Mariano Alvarez (GMA).

Dapat namang lansagin nina Gen. Azurin Jr. at PNP Region 4A Director Jose Melencio Nartatez Jr. ang pagkakaroon ng “kapustahan” ng ilan nilang top police official.

Ibig sabihin ng “kapustahan” ay ang pagtatalaga ng kolektor ng tongpats o intelhencia ng mga top police official sa pamamagitan ng bidding, ika nga ay sold to the highest bidder para mapili nila kung sino ang dapat mangolekta ng weekly protection money nila. Nangyayari din ito sa iba pang rehiyon ng bansa.

Kung sino sa kanila ang may pinakamataas na bid sa weekly remittance ng protection money mula sa mga ilegalista sa limang lalawigan ng naturang rehiyon, ay siya o sila na ang itinatalagang “kapustahan” o tong kolektor ng ilang matataas na pinuno ng kapulisan sa rehiyon.

Ang pustahan ay mula sa Php 5 milyon weekly para sa tanggapan ng RD at di bababa sa tig Php 1.5 milyon kada PDs kahit na nga umiiral kuno ang “No Take Policy” sa R4A. “Kunyari ay bawal ang pagkolekta ng intelhencia para sa tanggapan ng RD4A at iba pang PNP unit”, saad pa ng anti-crime group.

Ngunit lantaran pa ding nangongolekta ng tong ang grupo ni Timmy @ Charlie, kasama ang “kapustahan” ding sina Sgt. Corpuz, Sgt Adlawan, Sgt. De Guzman alyas Digoy, Sgt. Marcial at isang alyas Seno na may alyas pang major. Si Timmy ay operator din ng STL-con jueteng sa mga bayan ng Mabini at San Pascual, Batangas, at mga siyudad ng San Pablo, Cabuyao, San Pedro at Binan, bayan ng Pagsanjan, Liliw at Victoria sa Laguna.

“Parang bagyo si Timmy sa R4A kaya ratsada ang sakla at iba pang illegal vices sa mga probinsyang nasasakupan ng CALABARZON sina Timmy @ Charlie ang mismong nagbibigay din ng go- signal sa mga iligalista para makapag-operate na libre sa pangre-raid o pagsalakay ng pulisya sa naturang rehiyon . Ganyan kalupit ng koneksyon nina Timmy @ Charlie, talo pa nila ang RD at PDs”, pagsisiwalat pa ng anti-crime groups.

Sa Laguna ay beripikadong may saklaan sa Brgy.Sampirohan-operator Oruga, Brgy. Aplaya-operator Junjun at Ronnie, Brgy. Bobuyan operator Jayson, pawang sa Calamba City, Jenny sa Cabuyao City, mga bayan ng Los Baños, Nagcarlan, Victoria at Liliw-operator- Rose, bayan ng Rizal isang pulis alyas Timbang na nag-ooperate din doon ng jueteng. Sa San Pablo City ay sina Castillo at Gary pulis, at mga bayan ng Bay, Rizal, Los Baños Victoria at mga siyudad ng San Pablo, Cabuyao at Biñan-operator ay Bong. MAY KARUGTONG…

***

Para sa komento: CP # 09293453199 at 09664066144; sikretangpinas@gmail.com